डॉ. बाबासाहेब आंबेडकर यांचे ७५ प्रेरणादायी सुविचार

शिका ! संघटित व्हा !! संघर्ष करा !!!

शिक्षण हे वाघिणीचे दूध आहे आणि जो ते प्राशन करेल तो वाघासारखा गुरगुरल्याशिवाय राहणार नाही.

स्वतःची लायकी विद्यार्थी दशेतच वाढवा.

पावलागणिक स्वतःच्या ज्ञानात भर टाकत जाणे यापेक्षा अधिक सुख दुसरे काय असू शकते.

मला माणसांच्या सहवासापेक्षा पुस्तकांचा सहवास अधिक आवडतो.

मी समाजकार्यात, राजकारणात पडलो तरी आजन्म विद्यार्थीच आहे.

जीवन हे मोठे असण्यापेक्षा महान असले पाहिजे.

मनाचे स्वातंत्र्य हेच खरे स्वातंत्र्य आहे.

माणूस धर्माकरिता नाही, तर धर्म हा माणसाकरिता आहे.

अस्पृश्यता जगातील सर्व गुलामगिरीपेक्षा भयंकर व भीषण आहे.

सर्वांनी आपण प्रथम भारतीय आणि अंततःही भारतीय ही भूमिका घ्यावी.

लोकशाहीचे दोन शत्रू म्हणजे हुकूमशाही आणि माणसां-माणसांत भेद मानणारी संस्कृती.

मी महिलांच्या प्रगतीवरून त्या समाजाच्या प्रगतीचे मोजमाप करतो.

स्त्री-पुरुष समानता आणि महिलांचा सन्मान हा प्रगत समाजाचा पाया आहे.

अन्यायाविरुद्ध लढण्याची ताकद आपल्यात येण्यासाठी आपण स्वाभिमानी व स्वावलंबी बनले पाहिजे.

नशिबावर नाही, तर आपल्या सामर्थ्यावर विश्वास ठेवा.

तुम्ही वाघासारखे बना म्हणजे तुमच्या वाट्याला कोणीही जाणार नाही.

ज्यांच्या अंगी धैर्य नाही, तो पुढारी होऊ शकत नाही.

शब्दाला कृतीचे तोरण नसेल तर शब्द वांझ ठरतील.

मी नदीच्या प्रवाहालाच वळवणाऱ्या भक्कम खडकासारखा आहे.

स्वातंत्र्य विचारसरणीचे, स्वातंत्र्य वृत्तीचे निर्भय नागरिक व्हा!

करुणेशिवाय विद्या बाळगणाऱ्याला मी कसाई समजतो.

धर्म हा विज्ञानाशी विसंगत असून चालत नाही. तो बुद्धिवाद्यांच्या कसोटीवर टिकला पाहिजे.

सामाजिक समतेचा बुद्धाइतका मोठा पुरस्कर्ता जगात झालाच नाही.

धर्म हा जर कार्यान्वित राहावयाचा असेल, तर तो बुद्धिनिष्ठ असला पाहिजे.

एकत्वाची भावना ही राष्ट्रीयत्वाची जननी होय.

भारतातील जाती सामाजिक जीवनात तुटकपणा निर्माण करतात.

सर्व प्रकारच्या सामाजिक उन्नतीची गुरुकिल्ली म्हणजे राजकीय शक्ती होय.