| घटक | तपशील |
|---|---|
| गीताचे नाव | प्रबुद्ध हो मानवा (Prabuddha Ho Manava) |
| गायक | प्रह्लाद शिंदे (Prahlad Shinde) |
| गीतकार | गौतम सूत्रापे (Gautam Sutrape) |
| संगीतकार | मधुकर पाठक (Madhukar Pathak) |
कणाकणांनी ज्ञान वेचूनी प्रबुद्ध हो मानवा
प्रज्ञेचा हा प्रकाश दावील मार्ग तुला रे नवा
प्रबुद्ध हो मानवा
सिद्धार्थाच्या हृदयांतरी ही ज्ञानज्योत चेतली
बुध्दमुखाने ह्या ज्योतीची प्रभा जगी फाकली
त्या दीपाने तुही चेतवी, तव हृदयीचा दिवा
प्रबुद्ध हो मानवा
धम्मचिंतनी आचरणाची कळेल तुज संहिता
अष्टमार्ग हे निश्चित नेतील बुद्धत्वाच्या पथा
पंचशीलेचा निवास हृदयी, निर्वाणास्तव हवा
प्रबुद्ध हो मानवा
मनोभूमितूनी तुझ्या रुजावा बोधिवृक्ष हा पुन्हा
त्या बागेची शीतल छाया लाभावी बहुजना
करुणाप्रेरित ज्ञान तुझे हे, संजीवन दे जीवा
प्रबुद्ध हो मानवा