| श्रेणी | माहिती |
|---|---|
| गीताचे नाव | भीमा तुम्हा वंदना (“Bhima Tumha Vandana”) |
| गायक (Singer) | कृष्णा शिंदे (Krushna Shinde) |
| गीत (Lyrics) | ब्लॉग “Geetmala” |
भीमा तुम्हा वंदना
द्यावी सुबुद्धी आम्हा अजाणा
तनमन अमुचे चरणी अर्पण
भावअपूर्वक धम्म समर्पण
मंगलमय बुद्धाचे दर्शन
घडविले रामजीनंदना
भीमा तुम्हा वंदना
ना डगमगले कधी संकटी
रान उठविले उपाशीपोटी
लढले झिजले न्यायासाठी
लाजविले गंधित चंदना
भीमा तुम्हा वंदना
चंद्र-सूर्य तळपती जोवर
कीर्ती भूवर राहील तोवर
नवकोटीचा वीर धुरंधर
तोडियले सहजी बंधना
भीमा तुम्हा वंदना