केलया माणूस ज्यान तुम्हाला
कारे विसरता त्या बाबा भीमाला
त्याच्याच कष्टाच आहे रे फळ हे
समृद्धी येताच माजू नका
जयभीम बोलाया लाजू नका
जीर्ण रूढीची करून होळी
घालवली तुमची भिकेची झोळी
सन्मान तुम्हाला मिळवून दिला
तुमचा भीमानच उद्धार केला
उपकार करत्याला विसरून तुम्ही
बेइमान होईन गाजू नका
जयभीम बोलाया लाजू नका
लपवून आपली लढाऊ जात
भलत्या सलत्याशी सांगता नात
समाज आठवून सवलती पुरता
गुपचुप येऊन कळपात शिरता
लबाड कोल्हयांनो आयत्या तव्यावर
येऊन पोळी भाजू नका
जयभीम बोलाया लाजू नका
स्वाभिमानान वाटे जगावं
सांगावं ठासून बापाच नाव
विनय सारखा सन्मान मिळल
हक्काचं नीळं ते निशाण मिळल
घडीत इकडून घडीत तिकडून
बनून ढोलक वाजू नका
जयभीम बोलाया लाजू नका
केलया माणूस ज्यान तुम्हाला
कारे विसरता त्या बाबा भीमाला
त्याच्याच कष्टाच आहे रे फळ हे
समृद्धी येताच माजू नका
जयभीम बोलाया लाजू नका