भीमरावांनी देशावरती प्रेम अलौकिक केले | Bhimravanni deshavarti prem alaukik kele bhim song lyrics

भीमरावांनी देशावरती प्रेम अलौकिक केले

इतिहासाचे पान सुवर्णी रंगवून ते गेले

 

गोलमेज ही परिषद हि त्यांनी वाणीने गाजविली

मूलभूत हक्कांची सदनी कैफियत मांडिली

बहिष्कृतांचे दुःख जगाच्या वेशीवर ठेवियले

इतिहासाचे पान सुवर्णी रंगवून ते गेले

 

प्रतिगामी शक्तींना त्यांनी कडवा विरोध केला

शांतिपथावर रथ क्रांतीचा हाकीत पुढती नेला

तळागाळातील दबलेल्याना पंखगती ती दिधली

इतिहासाचे पान सुवर्णी रंगवून ते गेले

 

अर्थव्यवस्था या देशाची सुस्थिर भक्कम व्हावी

दारिद्र्याच्या रेषेखालील जनता वरती यावी

स्वप्न गोजिरे भारतभू चे लोचनात रेखियले

इतिहासाचे पान सुवर्णी रंगवून ते गेले

Open chat
1
जय भीम, मी आपली काय सहाय्यता करू शकतो?
Scan the code
जय भीम,
मी आपली काय सहाय्यता करू शकतो?